தமிழக அமைச்சர்கள் பதவி ஏற்பை எதிர்த்து வழக்கு: இன்று மாலை தீர்ப்பு
சென்னை ஐகோர்ட்டில், டிராபிக் ராமசாமி, வக்கீல் என்.ராஜாராம் ஆகியோர் இணைந்து தாக்கல் செய்துள்ள பொது நல மனுவில் கூறியிருப்பதாவது:–
தமிழக முதல்– அமைச்சராக பதவி வகித்த ஜெயலலிதாவுக்கு, ஊழல் வழக்கில் ஜெயில் தண்டனை வழங்கப்பட்டுள்ளது. எனவே, ஜெயலலிதா பொதுச் செயலாளராக உள்ள அ.தி.மு.கவை சேர்ந்தவர்களை முதல்–அமைச்சராகவும், பிறத்துறைகளின் அமைச்சர்களாகவும் பதவி ஏற்க அனுமதிக்க கூடாது. அந்த கட்சியை சேர்ந்தவருக்கு அமைச்சர்களாக பதவி பிரமாணம் செய்து வைக்கக்கூடாது என்றும் கடந்த 29–ந்தேதி தமிழக கவர்னரின் செயலாளர், தலைமை செயலாளர், இந்திய தலைமை தேர்தல் ஆணையாளர் உள்ளிட்டோருக்கு மனு கொடுத்தும் பரிசீலிக்கவில்லை.
எனவே, என் மனுவை பரிசீலிக்க அவர்களுக்கு உத்தரவிட வேண்டும்.
இவ்வாறு அதில் கூறப்பட்டுள்ளது.
இந்த மனு நீதிபதிகள் எஸ்.வைத்தியநாதன், ஆர்.மகாதேவன் ஆகியோர் முன்பு இன்று விசாரணைக்கு வந்தது.
மனுதாரர் வக்கீல் ராஜாராம் ஆஜராகிவாதிட்டார். இதையடுத்து இந்த மனு மீதான தீர்ப்பை இன்று மாலையில் பிறப்பிப்பதாக கூறி வழக்கை தள்ளிவைத்து நீதிபதி உத்தரவிட்டார்கள்.
தமிழக அமைச்சர்கள் பதவி ஏற்பை எதிர்த்து வழக்கு: இன்று மாலை தீர்ப்பு
தமிழக அமைச்சர்கள் பதவி ஏற்பை எதிர்த்து வழக்கு: இன்று மாலை தீர்ப்பு சென்னை ஐகோர்ட்டில், டிராபிக் ராமசாமி, வக்கீல் என்.ராஜாராம் ஆகியோர் ...
Post a Comment