ஹீரோ மோட்டோ கார்ப்பின் 2 புதிய பைக்குகள் அறிமுகம்

இந்தியாவை சேர்ந்த ஹீரோ நிறுவனமும், ஜப்பானை சேர்ந்த ஹோண்டா நிறுவனமும், ஒன்றிணைந்து, 25 ஆண்டுகளுக்கு முன், ஹீரோஹோண்டா என்ற நிறுவனத்தை துவக்கின. இந்தியாவில் மோட்டார் சைக்கிள் விற்பனையில், பெரிய அளவில் புரட்சியை ஏற்படுத்தியது இந்த நிறுவனம். தற்போது, ஹோண்டா நிறுவனத்திடம் இருந்து பிரிந்து, ஹீரோமோட்டோகார்ப் என்ற புதிய நிறுவனம் உருவாக்கப்பட்டுள்ளது. இந்த நிறுவனம், சிபிஇசட், சிடி100, கிளாமர், ஹங்க், பேஷன், ஸ்பெலன்டர், இக்னியேட்டர் உள்ளிட்ட மாடல்களில், மோட்டார் சைக்கிள்களை விற்பனை செய்து வருகிறது. இதில், ஸ்பெலன்டர் ப்ரோ, பேஷன் ப்ரோ என்ற இரண்டு மோட்டார் சைக்கிள்கள் ஏற்கனவே விற்பனையில் உள்ளன. இந்த சூழ்நிலையில், தற்போது, இரண்டு புதிய மோட்டார் சைக்கிள்களை இந்த நிறுவனம் அறிமுகப்படுத்தியுள்ளது.

ஸ்பெலன்டர் ப்ரோ கிளாசிக்இந்த பைக், 100 சிசி திறன் கொண்டது. ஏர்கூல்டு போர்ஸ்ட்ரோக் சிங்கிள் சிலிண்டர் இன்ஜின் பொருத்தப்பட்டுள்ளது. இதன் சக்தி, 8.36ps @ 8000rpm; டர்க், 8.05Nm @5,000rpm.இந்த பைக், இரண்டு வண்ணங்களில் கிடைக்கும்.
பேஷன் ப்ரோ டிஆர்இந்த பைக்கும், 100 சிசி திறன் கொண்டது தான். இதிலும், ஏர்கூல்டு சிங்கிள் சிலிண்டர் இன்ஜின் தான் பொருத்தப்பட்டுள்ளது. இதன் சக்தி, 7.8ps; டர்க், 8Nm@4,500rpm.இந்த பைக், மூன்று வண்ணங்களில் கிடைக்கும்.
-dinamalar-